Ќе светнат 2000 штедливи светилки во градот

Во Куманово годинава ќе бидат поставени нови 2000 штедливи светилки.

Ова е предвидено во Акциониот план за енергетска ефикасност на општина Куманово за 2015 година, кој беше усвоен на денешната 35-та седница на Советот на општина Куманово.

“Ќе има промена на 2000 обични со лед светилки. Тие ќе се поставуваат сукцесивно. Таму каде што ќе има потреба ќе бидат заменети светилки. Се надеваме дека овој Акционен план ќе биде спроведен од локалната самоуправа и дека граѓаните во најскоро време ќе ги видат бенефитите. На територија на општина Куманово има 15000 светилки “ - изјави Лидија Ланг Спасовска, раководител на сектор за урбанизам во општина Куманово.

За ова намена општината ќе  потроши 1.100.000 денари.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk