Зачленете се во нашиот клуб на читатели и најновите текстови ќе ги добивате на вашата мејл адреса
Енергетските компании побарале покачување на цената на струјата, но Владата нашла начин цената да не се зголеми за над 10 отсто во наредните шест месеци, кажа министерот за економија Крешник Бектеши.
„Согласно сите проекции зголемување на цената на електричната енергија поголемо од 10% нема да има, со што се отфрлаат сите анализи, предвидувања и од експерти и од одредени политички партии дека зголемувањето ќе биде над 30, 40 па и повеќе. Мора да се наведе дека е вистина дека енергетските компании побарале покачување на цената, некаде и за 100%, но како Влада и економски тим најдовме начин да им излеземе во пресрет на граѓаните и цената нема да се зголеми над 10% во наредните 6 месеци“, изјави Бектеши за време на денешната посета на Попова Шапка.
ЕСМ веќе достави до Владата табели за препорачана цена за количините на енергија што ќе ги испорачаат кон ЕВН Хоум. Нова цена на струјата се очекува да биде одредена до крајот на годината.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk