Зачленете се во нашиот клуб на читатели и најновите текстови ќе ги добивате на вашата мејл адреса
Општинскиот комитет на ВМРО-ДПМНЕ на граѓаните на Куманово им го честита 75-годишниот јубилеј од почетокот на големото Народно востание, 11-ти Октомври.
Славејќи го јубилејниот почеток на Народното востание, граѓаните на Куманово не си спомнуваат единствено за истрелот на првата пушка како најчеста историографска одредница на градот и кумановското граѓанство, туку, уште повеќе, за плодоносниот придонес на кумановците во втемелувањето на македонската државност преку Народноослободителната војна.
Пред 75 години кумановки и кумановци немаа дилема дали слободата и мирот на трудољубивото население можеа да се гарантираат со ветувања и акти на новата окупаторска управа или слободата и мирот се заслужуваат со лична и колективна саможртва!
Историјата несомнено утврди дека младата кумановска интелигенција целосно ги разбираше предизвиците на новото време и затоа храбро се одлучи, рамо до рамо со останатите македонски сонародници, во герилска борба да се спротивстави на ветениот - праведен, а во суштина - поробувачки поредок.
Водени од историски, блиското, илинденско искуство и комитската револуционерна традиција и одзивајќи се на одекот од Карпошовото востание, кумановските партизани ја заслужија привилегијата, како нови карпошовци, преку вториот Илинден - АСНОМ, да се запишат во темелите на современата македонска република.
Непокорот и истрајноста се испишан крвав завет на кумановските карпошовци како единствена вистина за црвено Куманово и како најдобро оружје против премрежијата и на нашата и на идните генерации!
За многу години нека е празникот и за вечен спомен на карпошовците!- стои во честитката од ВМРО-ДПМНЕ Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk