Црвен Крст ќе ја одбележи Неделата за грижа на стари лица

Општинската организација на Црвен Крст од Куманово од 23 до 29 ноември со повеќе активности, ќе ја одбележи Неделата за грижа на старите лица.

Волонтерите ќе се дружат со пензионерите, ќе го посетат Домот за стари лица “Зафир Сајто“, ќе делат фалери на плоштад и ќе се одржи акција за мерење на притисок и шеќер во крвта за старите лица. Оваа година мотото на Неделата за грижа на старите лица е “Сите сме нивни деца„, а целта е да се подигне свеста за грижата за старите лица.

Во светот популацијата старее, а истото се случува и во Македонија каде 15 отсто од вкупното население се стари луѓе  на возраст над 60 години.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk