Зачленете се во нашиот клуб на читатели и најновите текстови ќе ги добивате на вашата мејл адреса
Не е предвиден посебен сообраќајен режим на улицата „Биљановска“, поради митровденската задушница кога вообичаено има зголем број на возила кон Градските гробишта.
Од СВР Куманово велат дека полицајци ќе има на одредени пунктови кои ќе го регулираат сообраќајот, а доколку има потреба ќе се воведе кружно движење, што значи дека возилата ќе излегуваат преку населбата „Бабин Дол“.
„Апелираме за трпение, смиреност и почитување на сите пропишани законски норми и етичките и морални вредности, да се почитуваат другите учесници во сообраќајот“, велат од Кумановската полиција.
Тесното грло на улицата „Биљановска“ секогаш предизвикува нервоза и нетрпение кај граѓаните, бидејќи по тротоарите и улицата не може да се помине ни пешки ни со возила. Таксистите имаат зголемен обем на повици, па брзаат да можат да ги преземат сите патници. Најчесто недисциплината и непочитувањето на сообраќајните правила и прописи доведуваат до застој во сообраќајот. Проблемот се повторува секоја година но, откако ќе помине празникот се заборава на тоа се до следната задушница.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk