Дамјановски: Директорот ќе биде сменет ако се докаже дека е виновен

Во наредните неколку денови ќе има разрешница во случајот со директорот на кумановската гимназија Горан Димитриевиќ по објавување на компромитирачките фотографии на социјалните мрежи, најави градоначалникот Зоран Дамјановски.

Тој вели дека го очекува извештајот од истрагата на МВР дали фотографиите се монтирана или вистински, за да ги преземе понатамошните чекори.

 „Во текот на наредните денови ќе имаме разрешница, очекувам известување од службите на МВР, бидејќи е пријавено како хакерски упад во самиот профил на директорот. Јас оставив таа работа да се докаже, ако има вина сигурно дека ќе има санкции во однос на позицијата директор во гимназијата, меѓутоа не може да реагираме само врз основа на шпекулации. Треба да се остави да се докаже вината или невиноста на директорот за да се преземат понатамошните чекори, - изјави градоначалникот Дамјановски.

Градоначалникот рече дека се сретнал со директорот Димитриевиќ, но тој му тврдел дека фотографиите се монтирани а тој бил уценувам од непознати лица за 8.500 евра.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk