Дамјановски: „Пелинска“ ќе ја асфалтираме наредната година

Градоначалникот на Куманово, Зоран Дамјановски рече дека денешната прес-конференција на ВМРО-ДПМНЕ е обид во секој аспект да се нападне локалната самоуправа.

За ВМРО-ДПМНЕ рече дека се фатени на дело во сите сфери и сега се принудени да се бранат, а за улица “Пелинска“ одговори дека ќе се асфалтира следната година.

Јас сум свесен дека таа улица има проблеми, меѓутоа во договор со граѓаните од таа улица бидејќи таму во моментов се гради еден голем станбен објект, по низа процедури во изминатите неколку години сега е во фаза на изградба и се надевам дека во тек на првата половина на наредната година ќе биде заокружен тој процес. Ние имаме проектна документација за канализација, и таа улица е оставена од одамна, но ќе биде завршена - кажа Дамјановски.

Тој вели дека се работи за мала инвестиција и улицата ќе биде направена. Дамјановски очекува ВМРО-ДПМНЕ да продолжи со напаѓање и  рече дека ќе даде одговор на сите отворени прашања. Наведе дека сите ја знаат тешката состојба во која се наоѓа општината и очекува подобрување.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk