Дедо Мраз на мотор на Градскиот плоштад во Куманово

Манифестацијата Дедо Мраз на мотор, во организација на Мото клубот „Bears Macedonia“, утре во 12 часот ќе се одржи на Градскиот плоштад во Куманово, каде моторџиите ќе се дружат и ќе им поделат слатки на најмалите.

Моторџиите ќе се соберат во 11 часот, пред градскиот базен во Куманово, а во 11:50 ќе се упатат кон Градскиот плоштад. Воедно во 13 часот, традиционално како и секоја година ќе се упатат кон Дневниот центар за лица со интелектуална попреченост до 18 години „Порака наша“, каде ќе им однесат новогодишни пакетчиња.

Оваа година настанот ќе биде збогатен и со настапи на уметничкиот хор, солистички и ритмички групи од училиштата „Кочо Рацин“, „Христијан Карпош“ и „Браќа Миладиновци“, а најавено е и присуств и на други мото клубови од земјата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk