Дедо мразовци на мотор однесоа подароци

Моторџиите од мото клуб “Мечки“, денеска однесоа пакетчиња и подароци на лицата со посебни потреби во Дневниот центар кај ЧИК.

Воодушевени од подароците и моторите децата разговараа со нив и се сликаа.

Оваа акција ја правиме неколку години по ред за да им се посвети на децата со посебни потреби внимание, како и на сите деца. Да го направиме сето тоа поинтересно, доаѓаме со мотори, маскирани како Дедо мразовци и делиме симболични подароци за децата од центарот. Што повеќе вакви активности се добредојдени за овој град. Ние сакаме да служиме како пример. Да го побиеме имиџот на моторџиите дека се момци од таков или ваков тип - кажа Ивица Петковски, лице за односи со јавност во “Мечки“.

На кумановските моторџии им се придружија и моторџии од другите градови. Оваа хуманитарна акција се организира по седми пат.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk