Дејан Цветановски го фати светиот крст во црквата „Свети Никола“

 Дејан Цветановски (32) од Куманово го фати светиот крст во фонтаната на црквата „Свети Никола“ во Куманово.

Цветановски првпат го фаќа крстот, а веќе седум години скокал по крстот  на големиот  христијански празник Богојавление- Водици.

- Денеска среќата беше на моја страна да го фатам крстот. Очекувам здравје и среќа на мене и на целото семејство, - изјави Цветановски.

Од свештеништвото на Соборниот храм доби икона, свет крст и други пригодни подароци.

Оној што ќе го фати Светиот крст се верува дека ќе го следи благослов и среќа во текот на целата година. Фаќањето на крстот значи соединување на човекот со Христа, а се верува дека со спуштањето на крстот водите се осветуваат и стануваат лековити.

Цветановски работи како возач во фирмата Оилко.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk