Зачленете се во нашиот клуб на читатели и најновите текстови ќе ги добивате на вашата мејл адреса
Две лица се повредени кога насилници демолирале ресторан во Слупчане и барале од сопственикот да се повлече од судски процес.
Инцидентот се случил во новогодишната ноќ, околу 01.20 часот во ресторан во с.Слупчане, сопственост на Р.М. (22) од с.Лојане, кога влегле шест лица (едниот бил познат на сопственикот) и седнале на маса. По кратко време, почнале да му се закануваат на Р.М. да се повлече од судски процес за некој претходен настан.
Тие најпрво го оштетиле тоалетот, а потоа продолжиле да го кршат инвентарот, музичките инструменти и опремата.
Истовремено едно од лицата земало чаша со која го удрил А.Г.(39) од село Ваксинце во пределот на лицето и главата. Притоа, со повреди се здобил и Б.С. (38) од Куманово.
На повредените им била укажана лекарска помош во Општата болница Куманово.
Увид извршила екипа од СВР Куманово, а за настанот бил запознаен Јавен обвинител.
Се преземаат мерки за целосно расчистување на случајот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk