Денеска гласаат раселените и болните

 Во училишниот дом „Професор Мијалковиќ„  денеска гласаат 96 раселени лица од липковскиот регион. Гласањето се одвива без проблеми и до 12 часот на гласачкото место излегле дваесетина граѓани.

Нема проблеми при гласањето, освен што две лица ги немаше во гласачкиот список и ги вративме. најверојатно се работи за лица кои веќе не се водат како раселени, бидејќи го смениле местот на живеење- вели Зоран Христовски, претседател на избирачки одбор.

Граѓаните кои гласаа очекуваат изборите да поминат фер и демократски, а новата власт да ги подобри условите за живот на граѓаните.

Денеска во општината Куманово ќе гласаат и 150 болни и изнемоштени лица.

Според единствениот избирачки список, во општина Куманово, право да го дадат својот глас на предвремените парламентарни избори имаат 92.975 граѓани, а ќе се гласа на 128 избирачки места во општината.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk