Денеска ќе бидат погребани загинатите во пожарот во кочанската дискотека

Погребите на 59 загинати во страотниот пожар во дискотеката „Пулс“ во Кочани ќе се одржат денеска во повеќе градови во Македонија.

Најголем дел од нив - 30 ќе бидат погребани во Кочани,  а погреби ќе се одржат и во Штип, Пробиштип, Облешево, Скопје и Струмица .

На погребот во Кочани на погребната церемонија ќе присуствуваа поглаварот на Македонската православна црква, Г. Г. Стефан, а ќе има и неколку владици од Синодот.

„Ги замолувам граѓаните кои денес во Кочани ќе оддадат почит на настраданите, да не ја попречуваат погребната церемонија. Невозможно е, нехумано и непотребно, сите во исто време да пријдат околу телата на починатите. На родителите им треба утеха од најблиските кои претходно ќе влезат со нив. Поради конфигурацијата на теренот на градските гробишта во Кочани невозможно е безбедно влегување на поголем број на луѓе внатре во гробиштата“, велат од Центарот за управување со кризи (ЦУК).

На и околу местата на погребите ќе бидат распоредени поголем број на лекарски тимови и вода за пиење.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk