Детергенти ги затруле рибите во Липковка

Зголемена концентрација на детергенти во водите на реката Липковка го предизвика поморот на рибите минатата недела, покажаа резултатите од анализите на вода што ги направи Центарот за Јавно здравје во Куманово.

Земените мостри покажале загаденост од 5 класа, а водите во Липковка река се од 2 категорија.

Отстапувањето од стандарди за квалитетот на води е во надлежност на државниот инспекторат за животна средина. Предметот е испратен до соодветни институции за понатамошна постапка, а исто така анализите се доставени со Спортско риболовно друштво “Пчиња“, кои самите можат да покренат соодветна постапка до надлежните институции - вели Бобан Бојковски, инспектор за заштита на животната средина во Општина Куманово .

Помор на риби во Липковка се случи минатат недела во неселбата Бедиње кај Режановски мост. Се претпоставува дека угинувањето на рибата го предизвикала вода која ја испуштила фирма за преработка на варовник. Во недела локалното население забележало дека водата била со бела боја по што го известиле Спортско риболовно друштво  “Пчиња“.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk