Детската бадникова поворка во Куманово го најави Христовото раѓање

06.01.2025 15:31 | Оливера Пешевска

Околу 450 дечиња учествуваа во „Бадникова поворка“ во Куманово, која го најави Христовото раѓање.

Детската бадникова поворка во Куманово го најави Христовото раѓање

Поворката тргна од Соколанскиот парк, а заврши на Градскиот плоштад каде беше поставената пештерата, а се одржа и приредба за посетителите.

„Целта на „Бадниковата поворка“ е возобновување на традицијата и учење на децата на правилни и вистински вредности.  Има пакетче за секое дете- учесник во поворката, доволно број на ѕвездички, ја споделуваме радоста пред Христовото раѓање. Ние ја нарекуваме детска бадникова поворка, меѓутоа секогаш во поворката се движат и возрасни кои ги придружуваат најмалите. Поворката секако привлекува внимание, ова е настан и за децата и за возрасните“, истакна Ружица Денковска.

Бадникови пакетчиња се делеа во просториите на Занаетчискиот дом, само на учесниците по завршување на забавата на плоштадот.

По повод празникот беше организиран и тематски литературен конкурс во организација на „Бадникови поворки“, Друштвото на писатели од Куманово и општинските служби доделија награди и признанија за победниците.

Средствата за изработка на бадниковите ѕвезди беа обезбедени од образовните асистенти од сите основни училишта во градот.

Бадниковите пактетчиња се донација од Општина Куманово, хуманитарни организации и приватни лица од градот. 

 

Advertisement

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk