Зачленете се во нашиот клуб на читатели и најновите текстови ќе ги добивате на вашата мејл адреса
Учениците од ОСТУ „Наце Буѓони“ од Куманово, освојиа 9 медали на 58-миот Државен натпревар на младите истражувачи „Наука на млади“, кој минатиот викенд се одржа онлајн.
Во силна конкуренција на училишта од целата држава, кумановските техничари освоија три први, четири втори и две трети места.
Повеќе ученици се здобија и со пофалници за учеството на натпреварот.
Прво места во категоријата биохемија освои Теодора Вељановска, за дизајн на веб страници - Кристијан Стојмановски и за примена на софтвер – Марио Анѓеловиќ.
Вторите места им припаднаа на Анамарија Митковска во категоријата фармација, Дамјан Златановски за електротехника и електроника, Теодора Спасиќ за автоматика и роботика и Гала Арсовска за обновливи извори на енергија.
Трети на листата се Анастасија Атанасовска во категоријата микробиологија и Матеј Додевски за автоматика и роботика.
„Свеченото доделување на дипломите и наградите ќе биде во наредениот периодот. Натпреварот го организира Народна техника на Македонија, Сојузот на здруженијата на младите истражувачи на Македонија – „Наука на младите“ и Народна техника – Куманово“, соопштуваат од училиштето.
Поддржано е од Министерство за образование и наука на Република Северна Македонија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk