Девет оздравени од коронавирус, нема новозаболени во Куманово

Нема нови случаи на зараени од вирусот КОВИД-19 во Куманово. Регистрирани се 9 оздравени пациенти.

 

Денеска Институтот за јавно здравје регистрира 20 оздравени пациенти.

- Скопје 1

- Куманово 9

- Прилеп 2

- Велес 7

- Битола 1.

Во изминатите 24 часа направени се 242 тестирања, а потврдени се 14 нови случаи на ковид-19 и тоа во: Скопје-5, Прилеп-2, Тетово-1 и Велес-6. Досега во земјата се направени вкупно 18410 тестирања на ковид-19.

Во ГОБ „8 септември“ почина пациент од Тетово на возраст од 61 година, хоспитализиран на 28 април.

Вкупната бројка на ковид дијагностицирани во нашата земја од почетокот на епидемијата изнесува 1586, бројката на оздравени пациенти е 1099, на починати е 90, а во моментов бројот на активни случаи во земјата изнесува 397.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk