Дезинсекција против крлежи во Куманово

На подрачјето на Куманово утре и задутре ќе се изврши дезинсекција на крлежи на јавни површини.

Прскањето ќе се врши во раните утрински часови, од 5.30 до 8 часот, а третираните места ќе бидат видно обележани.

„Дезинсекцијата ќе биде спроведена во втoрник и среда на јавните зелени и цветни површини во градот, со акцент на зеленилото покрај градскиот кеј, јавните институции и установи, плоштадот и градските паркови. Третираните површини ќе бидат видно одбележани и не се препорачува подолг престој на површините како за луѓе така и за животни, особено непосредно по извршувањето на третманот. Целта на овој третман е спречување на ширење на заразни болести каде како вектори се јавуваат истите“, соопштуваат од Општина Куманово.

Доколку, временските услови не дозволат да се спроведе дезинсекцијата, тогаш истата ќе биде одложена за наредниот ден.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk