Дијабетесот во пораст

Триесетина ново заболени од дијабетес биле откриени лани во акциите за бесплатно мерење на шеќер во крвта.

Од здружението на дијабетичари во Куманово минатата година организирале прегледи за 470 граѓани кои не се нивни членови.

Од вкупно прегледаните во руралните средини 6,3 отсто се луѓе болни од дијабетес кои не биле свесни за болеста. Нив ги упатуваме во Центарот за дијабетес каде добиваат совети, им се препорачува диета, физичка активност, третман, лекови. И оваа година ќе продолжиме со слична програма со најмалку 10 акции за откривање на болни од дијабетес - изјави Драган Гачевиќ, претседател на Здружение на дијабетичари Куманово.

Здружението брои 6000 членови на подрачјето на Куманово, Липково и Старо Нагоричане од кои 2000 се на инсулинска терапија.  

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk