Зачленете се во нашиот клуб на читатели и најновите текстови ќе ги добивате на вашата мејл адреса
Во рамки на едукативната и информативна кампања „Ти си на ред! Излези, гласај!“, караванот на Државна изборна комисија(ДИК) ги посети градовите Куманово, Штип, Струмица, Кавадарци и Скопје. Кампањата на ДИК за претстојните Локални избори се реализира со цел да се претстават правата на гласачите за време на изборниот циклус.
Во рамки на караванот, од страна на претставници на Државната изборна комисија, на случајните минувачи им се делеа едукативни и информативни материјали, кои содржат точно опишан начин како треба секој гласач да постапува на гласачкото место.
Едукативната кампања на ДИК се реализираше во согласност со протоколите за заштита од ковид-19.
Оваа година, за прв пат се воведува и новиот начин на идентификација на гласачите, со употреба на уредот за биометриска идентификација на гласачите (УБИГ), кој има за цел да го унапреди процесот преку дигитализација и автоматизирање на дел од постапката за гласање.
Државната изборна комисија со караванот посети голем дел од градовите во нашата држава, со цел да ги едуцира и информира граѓаните за нивните гласачки права, но и да упати апел дека и овогодинешните Локални избори ќе бидат фер, демократски и безбедни.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk