Димитриевски: Јас имам само една коалиција, тоа се граѓаните

„Срамни се обвинувањата на СДСМ Куманово кои се однесуваат на мојата кандидатура за градоначалник на претстојните локални избори, каде велат дека сум склучил пакт со злото“, се огласи Максим Димитриевски по обвинувањата од СДСМ.

„Како независен кандидат за градоначалник побарав поддршка од сите граѓани. Побарав поддршка од сите политички партии во нашата земја. Очекувам поддршка деновиве да ми даде и мојата политичка партија СДСМ, членовите и симпатизерите од ДОМ, ЛДП, Коалиција на Албанците и Алтернатива, како и сите останати политички субјекти од македонскиот и албанскиот блок. Јас имам само една коалиција, а тоа е коалицијата со граѓаните“, стои во соопштението на Димитриевски.

Тој вели дека изминатите денови се сведоци на невидени притисоци, злоупотреби, обиди за поткуп и дискредитација на членови од нашата граѓанска иницијатива „За наше Куманово“, што е недозволиво.

Се надевам дека примерот на ВМРО-ДПМНЕ ќе го следат и сите останати.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk