Зачленете се во нашиот клуб на читатели и најновите текстови ќе ги добивате на вашата мејл адреса
Независниот кандидат за градоначалник и актуелен градоначалник на општина Куманово Максим Димитриевски, обвини дека денеска бил следен од возило на МВР, по што без причина бил запрен и испратен на технички преглед на возилото. Тој се жали и на непрофесионален однос од полициските службеници.
Инцидентот се случил предпладнето на ул. „Лесковачка“, во населбата „Гоце Делчев“, додека градоначалникот со автомобил тргнал на лекар. Целиот настан Димитриевски го снимал со мобилен телефон, а видеото го сподели на социјалните мрежи. Тој обвини дека му се врши тортура во предизборен период и тоа од министерот и високи функционери на МВР.
„Еве сега во моментов како да сум најголем криминалец во државата, а не градоначалник на најголемата општина. Со ротации ми ги одземаа документите и не спроведуваат на наводно вршење на технички преглед на возилото, иако возилото е ново, со уредно полномошно за управување, согласно сите законски нормативи и прописи. Сепак, на овој начин јас лично се онеспособувам да ја работам мојата работа како градоначалник и кандидат во рамки на изборната кампања. Односот на полициските службеници е целосно непрофесионален, може да видите дека на возилото се запалени ротации и не насочуваат, каде ќе не носат не знам“, вели Максим Димитриевски.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk