Зачленете се во нашиот клуб на читатели и најновите текстови ќе ги добивате на вашата мејл адреса
На обвинувањата на општинскиот комитет на ВМРО ДПМНЕ реагираше и претседателот на Советот на општина Куманово Максим Димитриевски.
Според него, обвинувањатата изнесени на денешната пресконференција се неосновани. Ги повика сите оние кои имаат докази за наводна злоупотреба во општината да ги достават до него и да ги однесат до јавното обвнителство и Министерството за внатрешни работи.
Советот на општина Куманово уште во 2011 година со одлука го има уредено начинот на вршење на јавниот превоз во нашата општина и тоа одлука за уредување на општински превоз на патници со врешење на дејност од јавен интерес врз основа на претходно добиена дозвола. Што се однесува до останатите обвинувања сакам да ја запознаам јавноста дека денеска добив конечен извештај за ревизија кој што уредно ќе го доставам до сите членови на советот на општината кој што е конечен, а е извршен од страна на државните органи т.е. на Државниот завод за ревизија. Па јавноста нека суди по основ на тоа што содржи овој извештај - изјави Димитриевски.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk