Зачленете се во нашиот клуб на читатели и најновите текстови ќе ги добивате на вашата мејл адреса
Во Куманово кандидатот за претседател на ЗНАМ Максим Димитриевски освои 14.286 гласови (30.16%), кандидатката на на ВМРО-ДПМНЕ Гордана Сиљановска – Давкова има 11.982 гласов (25.29%), додека кандидатот на СДСМ Стево Пендаровски - 7.399 гласови (15.62%), според резултатите на Државната изборна комисија од првиот круг на претсдателските избори.
Кандидатите: Бујар Османи 6.203 гласови (13.09%), Арбен Тавари 4.325 гласа (9.13%), Билјана Ванковска Цветковска 1.814 гласови (3.83%) и Стевчо Јакимовски 238 гласа (0,50%).
Димитриевски има 2.304 гласа повеќе од ВМРО-ДПМНЕ и 6.887 гласови повеќе од СДСМ.
На ниво на државата, најмногу гласови освои кандидатката на ВМРО-ДПМНЕ Гордана Сиљановска – Давкова - 362.682 (40,08%), а втор е кандидатот на СДСМ Стево Пендаровски со 180.306 (19,93%). Тие ќе се соочат во вториот круг на претседателските избори на 8 мај, кога ќе се одржат и парламентарните избори.
Димитриевски освои 83.787 гласови (9.26%) на национално ниво.
Во Куманово излезноста на гласачите беше 47.33 отсто, право на глас имаат 93.364 гласачи, кои гласаат на 167 избирачки места.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk