Зачленете се во нашиот клуб на читатели и најновите текстови ќе ги добивате на вашата мејл адреса
Градоначалникот Максим Димитриевски вчера, во Европскиот парламент во Брисел, ја прими наградата за Куманово – Град на спортот за 2019 година.
Наградата му беше врачена од претседателот на Европската Асоцијација на градови на спорт (ASEC) – Џиан Франческо Лупатели, во присуство на останатите 30 градово добитници од Европа. Градоначалникот Димитриевски отпатува на свеченоста во Брисел придружуван од олимпијците Аце Русевски и Реџеп Реџеповски и претседателот на КК Куманово Александар Крстевски.
- Благодарност до надлежните во асоцијацијата што ни ја доделија оваа награда, којашто обврзува, да вложуваме и инвестираме дополнително во спортот. Куманво било спортски град и град на олимпијци, и во иднина ќе ја продолжи традицијата. Им благодарам на сите спортски работници кои се вложуваат во развојот во спортот, - изјави Димитриевски.
Куманово е прв град во Република Македонија кој го има добиено оваа престижно признание кое се темели на досегашните спортски достигнувања, развојот на спортот на сите полиња, категории и возрасти, изградбата на спортски капацитети и спортската култура, кои беа оценувани низ тримесечни анализи на асоцијацијата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk