Дизелот поскапува, бензините по стара цена

Од вечерва на полноќ дизелот поскапува за 2 денари, а мазутот за 1,079 денари за килограм, одлучи Регулаторната комисија за енергетика. 

Цените на бензините од 95 и 98 октани и Екстра лесното маслото за горење остануваат непроменети.

Највисоките малопродажни цени на нафтените деривати и горива за транспорт, изнесуваат:

- Моторен бензин - ЕУРОСУПЕР БС - 95 - 73,50 (денари/литар)

- Моторен бензин - ЕУРОСУПЕР БС – 98 - 75,50 (денари/литар)

- Дизел гориво - ЕУРОДИЗЕЛ БС (Д-Е V) - 66,50 (денари/литар)

- Масло за горење - Екстра лесно 1 (ЕЛ-1) - 65,00 (денари/литар)

- Мазут М-1 НС - 36,529 (денари/килограм)

Зголемувањето на малопродажните цени е за 1,23 проценти, а се должи на скок на цените на нафтените деривати за повеќе од 3 посто на референтните светски берзи.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk