Ѓеорѓиевски вети нов зелен пазар во “Гоце Делчев„

Кандидатот за градоначалник од коалицијата ВМРО-ДПМНЕ Зоран Георгиевски, денeска го посети зелениот пазар во Куманово, од каде што вети изградба на ново реонско пазарче во населбата Гоце Делчев.

 Во нашата програмa предвидена е изградба на нов зелен пазар во населбата Гоце Делчев. Од посетата на постоечкиот зелен пазар, видовме дека е пренатрпан од луѓето кои работат внатре, но и од препродавачите кои продаваат околу пазарот. Реална потреба на градот е растеретување на постоечкиот и отварање на нов зелен пазар. Тој ќе биде уреден по сите стандарди, со доволно тезги и места за паркирање за продавачите и купувачите - изјави Ѓеорѓиевски.

Идејата за новиот пазар била предложена од граѓаните, а од ВМРО-ДПМНЕ ја вметнале во програмата за развој на градот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk