До 28 февруари се поднесуваат годишни сметки во Централен регистар

Централниот регистар на Република Македонија ги известува сите обврзници за доставување годишни сметки за 2014 година, дека законскиот рок е 28.февруари 2015 година.

За трговските друштва што поднесуваат годишни сметки во електронска форма и за трговците поединци и за самостојните вршители на дејност што поднесуваат по избор во хартиена или во електронска форма, рокот е 15.март 2015 година.

На 26,27 и 28 февруари приемот на годишни сметки за 2014 година во хартиена форма ќе се врши во сите регистрациони канцеларии на Централниот регистар во периодот од 08 до 20 часот. Дополнително, во овие денови Централниот регистар ќе организира прием на годишни сметки и во Кратово, во Крушево и во Демир Хисар, во периодот од 08.30 до 16.30 часот.

Согласно Законот за трговските друштва, средните и големите субјекти се должни до Централниот регистар на Република Македонија да ги поднесат годишните сметки и финансиските извештаи исклучиво во електронска форма, а ревидираните и одобрени годишни сметки и финансиски извештаи за 2014 година да ги достават најдоцна до 30 јуни 2015 година.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk