Дo кога ќе тапкаме во место со информатичката технологија?

Со вакво прашање излезе опозициската советничката група на ВМРО-ДПМНЕ, во Советот на Општината во врска со точката Предлог-програма за локален економски развој и развој на информатичката технологија на Општината Куманово за 2011 година.

„Едно, двата сегмента од оваа програма, локалниот економски развој од една и развојот на информатичката технологија од друга страна речиси немаат допирни точки, а второ, предлагачот е далеку од тоа дека нешто поамбициозно има направено на планот на информатичката технологија во Општината‘‘ - рече советникот од опозицијата Бране Петрушевски и ја упати локалната администрација да се учи на примерите на една Крива Паланка, Штип, Битола итн.

Неговата, прилично стручна дискусија во областа на информатичката технологија распали лавина од реплики од страна на советниците од СДСМ во стилот дека ,,ние не живееме ниту во Лондон ниту во Њујорк, туку во Куманово, на што ВМРО-вските советници возвратија дека ,,ако не живееме во Лондон не треба да се однесуваме како да живееме во Дренак или Шопско Рударе. Едукативно - политизирачката полемика сепак заврши со општопомирливиот заеднички став дека локалната самоуправа на Куманово мора да обнува многу посериозно внимнание на развојот на информатичката технологија и во таа насока беше прифатен ставот за почеток барем да се издвојат двата сегмента во двете развојни програми.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk