Добиточниот пазар ќе работи во сабота

Добиточниот пазар во селото Долно Којнаре повторно е отворен. По пауза од две недели, во сабота, на пазарот ќе се врши продажба на секаков вид добиток.

Од ЈП “Пазаришта“ соопштуваат дека добиле решение од Агенција за храна и ветеринарство, со кое се отстранува забраната за продавање на добиток, бидејќи не постои опасност од заразната болест „син јазик„.

„Ги повикувам  сите сточари и граѓани, кои имаат потреба да купуваат или продаваат добиток,  да дојдат во сабота, бидејќи пазарот повторно ќе работи во вообичаениот термин. Овој пат пазарот ќе биде доста посетен, и ќе има голема понуда на добиток, поради верскиот празник Курбан Бајрам„- изјави директорот на ЈП „Пазаришта„ Илир Саити.

Добиточниот пазар беше затворен пред две недели поради појава на болеста “син јазик“ во кумановско-липковскиот регион. Откако опасностите од болеста поминаа и останатите добиточни пазари во земјава каде имаше жаришта на “син јазик“ почнаа нормално да функционираат.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk