Доцни расадувањето на земјоделските култури

Поради ниските температури и дождовите оваа пролет, за половина месец доцни расадувањето и засадувањето на повеќето земјоделски култури.

Земјоделците веќе почнуваат со садење на пипер и домати во пластеници, а во полн ек е и садењето на сончоглед.

Садењето на одредени култури доцни 10 до 15 дена, но сега температурите се повисоки и долждливиот период и студеното време од преходно, нема негативно да се одразат на производството. Сега се засадува сончоглед, ќе почне и пченката, а за седум дена ќе се сади грав, бостан, тиква - рече Милан Ванчевски, агроном.

Со истиот проблем се соочуваат и земјоделците од другите краеви на Македонија, не само од кумановско.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk