Зачленете се во нашиот клуб на читатели и најновите текстови ќе ги добивате на вашата мејл адреса
Девет кандидати ќе се борат за претседателскиот мандат на пролетните избори, а собирањето на потписи започнува од денеска и ќе трае до 8 март. Пријавени се поголем број на кандидати од последните избори пред 5 години, кога седум кандидати се бореа за претседателското столче.
На изборното ливче повторно ќе се најде двојката Стево Пендаровски, актуелен претседател, предлог на СДСМ и професорката Гордана Силјановска Давкова, поддржана од ВМРО-ДПМНЕ. Градоначалниците Стевчо Јакимовски од Гром и Максим Димитриевски од Знам, Арбен Таравари ја доби поддршката на албанската опозиција, а ДУИ го предложи нивниот министер за надворешни работи Бујар Османи. Левица ја кандидираше професорката Билјана Ванковска, доктор Вело Марковски ќе собира потписи како независен кандидат, а свој претставник ќе има и Бошњачкиот демократски сојуз, чиј кандидат е Мерсиха Смаиловиќ.
Рокот за собирање потписи за кандидати за претседател започнува денеска и ќе трае до 8 март, согласно роковниците на Државната изборна комисија (ДИК).
Кога подносител на листа на кандидат за претседател е група избирачи, потребно е да се соберат најмалку 10.000 потписи од запишаните избирачи, а партиите треба да достават најмалку 30 потписи од пратениците до ДИК.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk