Дождот ќе донесе богата реколта

 Ноќеска во Куманово и околината наврнале 9,7 литри дожд на метар квадратен.

 Дождот кој деновиве паѓа во кумановско, повеќе од потребен е за житариците и ќе придонесе за богата реколта.

Секако дека овие дождови се добредојдени за есенски житни култури, кои се во фаза на класење. Ќе придонесе за подобар род, за исполнување на зрното и со самото тоа за подобри приноси. И за пролетните, раноградинарски култури дождот многу значи, но и за подготовка на почвата за оние култури што допрва ќе се засадуваат, ќе има доволно влага - вели Томе Цветковиќ, виш соработник за полјоделство во Агенција за поттикнување на развој на земјоделството.

Дождот ќе придонесе за побогат род на пченката, сончогледот, компирот и други култури.

Ноќеска во Куманово и околината наврнале 9,7 литри дожд на метар квадратен, а пред неколку денови паднаа над 15 литри дожд на квадрат.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk