ДРОМ ќе работи на спречување на трговија со луѓе

ДРОМ од Куманово во наредните 15 месеци заедно со Асоцијацијата за демократска иницијатива од  Гостивар ќе го реализира  проектот „Превенција од современите форми на трговија со луѓе“.

Ќе работат со ученици од средните училишта во двата града, со кои ќе организираат работилници, ќе ги анкетираат, ќе има  средби со матуранти и слично. Целта на проектот е спречување на трговијата со луѓе преку зголемување на свесноста на средношколците и ранливите категории на граѓани за современите формите на трговија на луѓе кои се во пораст, како што се трудовата експлоатација, принудно питачење, принудно вршење кривични дела и внатрешна трговија. Ова е во рамките на програмата за Акциски грантови на Цивика Мобилитас финансиран од страна на Швајцарската агенција за соработка и развој.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk