Зачленете се во нашиот клуб на читатели и најновите текстови ќе ги добивате на вашата мејл адреса
Општината Старо Нагоричане викендов беше домаќин на 51-от државен натпревар на трактористи од повеќе градови. Во дисциплинит конвенционален и реверзибилен плуг, 35 орачи од Македонија ги покажаа своите земјоделски вештини.
Чест ми е што сме домаќини на овој натпревар затоа што општината Старо Нагоричане има поволно и обработливо земјиште за производство на здрава храна, а ова претставува и поттик за добивање на поголема економска моќ на земјоделците - рече Миодраг Јовановиќ, градоначалникот на Општина Старо Нагоричане.
Натпреварот во брзо орање го организираат Народна техника и Сојузот за техничка култура во стопанството. Народна техника на РМ како невладина организација е носител на јавни овластувања од Република Македнија па дел од финансиските средства се наменуваат за овој тип натпревари.
На петте регионални натпревари зедоа учество околу 230 трактористи.35-те најдобри орачи од овие натпревари денска се борат за учество на светскиот натпревар во орање кој ќе се одржи во Шведска-изјави Христина Спасевска, претседател на Народна техника на Македонија.
Земјоделците велат дека оваа е уште еден предизвик да ги покажат своите способности со земјоделската механизација.
Долго време се занимавам со земјоделство. Обработувам големи земјоделски површини, па затоа решив да учествуваме на еден ваков натпревар и со желба да победам секако– вели Јетон Синани натперварувач од Гостивар.
Наградите ги одвојиа во лесна категорија(конвенционален плуг):
1. место - Стојне Наковски од Пробиштип
2. место - Драган Манев од Паликура
3. место - Осман Билали од Чегране
Во тешка категорија (реверзибилен плуг):
1. место - Васко Јончиќ од Новаци
2. место - Сашо Симоновиќ од Старо Нагоричане
3. место - Виктор Јаневски од Тумчевиште
Жена учесник
Катерина Јаневска од Тумчевиште
Во комплексот Етно село тројцата најдобри натпреварувачи освоија награди во двете категории и тие ќе ја претставуваат Македонија во Шведска.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk