Зачленете се во нашиот клуб на читатели и најновите текстови ќе ги добивате на вашата мејл адреса
Две патнички возила гореа вчера на паркингот зад осумкатницата во центарот на Куманово.
Опожарени се Пежо 308 со скопски регистерски таблички, сопственост на Охридска банка и Пежо 106 со кумановски таблички, сопственост на семејство кое живее во зградата.
Пожарот во 16.30 часот прво се појавил на еден од автомобилите, а потоа зафатил и друг паркиран автомобил.
Од Противпожарната единица Куманово, информираат дека пожарот кај нив е пријавен во 16.30 часот. За три минути излегле на терен и започнале со гаснење. Пожарот целосно е изгаснат во 17.30 часот.
Во пожарот целосно изгорело службеното возило, а другото половично.
Причинета е голема матерјална штета.
Причините за пожарот допрва ќе се утврдуваат.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk