Зачленете се во нашиот клуб на читатели и најновите текстови ќе ги добивате на вашата мејл адреса
Двајца кумановци се тешко повредени во сообраќајна несреќа што утринава се случила на магистралниот пат Куманово - Крива Паланка, во близина на кланицата Црн бик.
Несреќата се случила во 5.45 часок, кога Дарко Т.(26) од Куманово со својот автомобил Опел Астра се движел кон населбата Карпош, изгубил контрола над возилото, преминал на левата страна и директно се судрил со товарно возило управувано од Виктор.П.(38) од Куманово, кое доаѓало од спротивната насока.
Од силината на ударот Астрата била целосно уништена, поради што морала да интервенира противпожарната единица за да го извади повредениот возач.
Поради сериозноста на повредите Дарко е префрлен на Скопските клиники, а возачот на камионот Виктор е задржан на лекување на хируршкото одделение во кумановската болница.
Причините за несреќата дополнително ќе се утврдат.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk