Двајца повредени при судир на две возила на патот Куманово – Крива Паланка

Две лица се повредени во сообраќајна несреќа што се случи денеска во 11.50 часот  на магистралниот пат Куманово – Крива Паланка, на местото „Ливади“.

Во несреќата дошло до судир на две возила Сеат толедо со скопски регистарски таблици, управувано од Ќ.Т. (51) од село Блаце и „Форд мондео“ со кумановски регистарски таблички управуван од Б.А.(45) од Куманово.

Во незгодата, двајцата возачи се здобиле со тешки телесни повреди и се префрлени во Ургентниот центар во Скопје.

Сообраќајот на магистралниот пат Куманово-Крива Паланка, како што информираше АМСМ е во прекин од 12:05 часот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk