Зачленете се во нашиот клуб на читатели и најновите текстови ќе ги добивате на вашата мејл адреса
Кумановската полиција приведе две жени од Куманово осомничени дека со злоупотреба на лични податоци измамиле 19 лица, подигајќи брзи кредити во нивно име.
Против А.С.Д. (22) и М.В. (34), двете од Куманово, е поднесена кривична пријава. Против А.С.Д. се води постапка поради основано сомнение за сторени кривични дела „измама“ и „злоупотреба на лични податоци“, додека М.В. е осомничена за кривично дело „помагање“ по член 24 од Кривичниот законик.
„Првопријавената А.С.Д., со директна умисла и однапред осмислен план, со намера за себе и за второпријавената М.В. да прибави противправна имотна корист, во периодот од јануари до јули 2026 година, во вкупно 19 наврати, со лажно прикажување и свесно прикривање на вистинските факти, довела и одржувала во заблуда 19 лица. Таа, без нивна согласност и овластување, злоупотребувајќи ги нивните лични податоци, во нивно име аплицирала за брзи потрошувачки кредити. По нивното одобрување и исплата, средствата противправно ги присвојувале А.С.Д. и М.В. Второпријавената М.В., постапувајќи по претходен договор, ѝ помогнала на А.С.Д. во извршувањето на кривичното дело, преземајќи дејствија што овозможиле реализација на измамата. На тој начин двете се стекнале со противправна имотна корист од 10.820.000 денари“, соопшти Министерството за внатрешни работи.
2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk