Две лица повредени - автомобил излетал од патот на влезот во Куманово

Две лица се повредени во сообраќајна несреќа што се случила на автопатот на влезот во Куманово.

Несреќата се случила синоќа околу 21,35 часот на исклучок од автопатот „Пријателство“ за влез за Куманово, кога патничко моторно возило „ауди“ со српска национална ознака управувано од М.Н.(32) од Р.Србија излетало од коловозот. 

Сопатниците А.В.(27) и М.В.(29) се пренесени во Општа болница Куманово, каде кај А.В. се констатирани повреди а кај М.В. се констатирани тешки телесни повреди. 

Увид на лице место извршила екипа од СВР Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk