Две лица хоспитализирани по пожар во куќа во Матејче

Две лица завршиле во болница по пожар што избувнал во куќа во селото Матејче.

Според информациите од СВР Куманово, на вчера во 13:30 часот било пријавено дека настанал пожар во куќа сопственост на М.С. во селото Матејче.

Пожарот бил изгаснат од соседите пред пристигнувањето на надлежните служби. Поради вдишување чад, А.С. (49) и Н.С. (20) биле пренесени во Општата болница во Куманово за укажување лекарска помош.

Увид на местото на настанот извршила екипа на СВР Куманово.

2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk