Зачленете се во нашиот клуб на читатели и најновите текстови ќе ги добивате на вашата мејл адреса
Две први места за невестинска и вечерна фризура освои Наташа Додевска, сопственичка на фризерското студио „Нате“ од Куманово, на Меѓународниот фестивал на фризури, кој викендов се одржа во Софија, Бугарија.
Во силна конкуренција од 100 учесници: од Бугарија, Италија, Романија, Полска и другите европски земји, Додевска постигна извонредни резултати и се закити со највисоките признанија во категориите во кои се натпреваруваше.
„Ова за мене беше уште едно многу значајно и незаборавно искуство. Јас се пријавив во две категори: вечерна и невестинска фризура и за двете освоив први места. Среќна сум поради постигнатиот успех, особено што конкуренцијата беше многу силна. Предизвик ми е да се натпреварувам, да ја покажам својата креативност и инспирација и да научам нешто ново. Тоа ме води низ работата. Затоа постојано посетувам семинари и обуки, сакам да се усовршувам и да ги следам новите трендови. Оваа година на фестивалот како посетители имаше повеќе колеги од Македонија, кои беа моја голема поддршка и ме бодреа додека се натпреварував“, изјави Додевска.
Студиото „Нате“ работи од 2001 година, а од пред две години има регистрирано Академија за фризери, прва во градот, која е лиценцирана од Министерството за образование. Низ оваа академија веќе поминаа голем број на ученици и практиканти. За својата работа Наташа Додевска има освоено многу награди, признанија, дипломи и медалји.
(комерцијален текст)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk