Еден починат и четворица новозаболени од коронавирус во Куманово

Кумановска на 85-годишна вораст ја изгуби битката со коронавирусот на Клиниката за инфективни болести и фебрилни состојби во Скопје, информираат од Министерството за здравство.

Во изминатите 24 часа регистрирани се четири нови случаи на вирусот КОВИД- 19 во Куманово или 36 на територијата на целата земја.

По градови:

- Скопје-22

- Куманово-4

- Прилеп-3

- Струга-3

- Велес-3

- Битола-1

Со ова вкупната бројка на дијагностицирани пациенти со Ковид-19 во нашата земја изнесува 1117.

Денеска се регистрирани вкупно 18 оздравени пациенти.

Од Клиниката за инфективни болести и фебрилни состојби си заминаа 11 пациенти, 2 од болницата во Дебар, а регистрирани се и 5 оздравени пациенти (2 од Кочани и 3 од Скопје) кои се лекуваа во домашни услови, а кои по два контролни теста се негативни на коронавирусот.

На Инфективната клиника почина и пациентка од  Крушево на 77 години.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk