Зачленете се во нашиот клуб на читатели и најновите текстови ќе ги добивате на вашата мејл адреса
На магистралниот пат Куманово - Крива Паланка кај село Псача, во сообраќајна несреќа едно лице е повредено при судир на два автомобили.
Сообраќајката се случила утринава околу 6 часот, кога возило „рено трафик„ со унгарски таблички управувано од Д.Д.(29) од Скопје, додека се движело кон Крива Паланка изгубило контрола и преминало на левата коловозна лента. Од спротивната насока наишло комби „пежо боксер„ кое го управувал Г.С.(35) од Крива Паланка и двете возила се судриле. Повреден е возачот Г.С., кој е пренесен во болницата во Крива Паланка каде му е констатирана телесна повреда и пуштен е на домашно лекување.
На патот имало остатоци од кашест снег, а сообраќајот бил прекинат од 6.30 до 7.15 часот. Полицијата извршила увид и работи на утврдување на причините за несреќата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk