Зачленете се во нашиот клуб на читатели и најновите текстови ќе ги добивате на вашата мејл адреса
Екстерно тестирање за учениците од завршните години, денеска се спроведе во Гимназијата “Гоце Делчев“ и во Земјоделското училиште “Киро Бурназ“, по термини утврдени од Министерство за образование.
Во Гимназијата од 128 ученици, на тестирање дошле 116 ученици.
“Денеска имаме термин за полагање на екстерно за ученици кои првите два дена не полагаа поради технички причини. Екстерното помина во најдобар ред, се течеше нормално“ - рече Горан Димитријевиќ, директор на “Гоце Делчев“.
Од “Киро Бурназ“ велат дека тестирањето се реализирало непречено, а присутни биле претставници од Бирото за развој на образованието и Државен просветен инспекторат.
“Екстерното тестирање кај нас се одржа. Овој термин е за ученици од завршните години кои не полагаа на 26 и 27 јануари. Од 129 ученици дојдоа само 8 на тестирање“- вели Весна Трајковска, директорка на “Киро Бурназ“.
Во меѓувреме во кумановските училишта сеуште трае штрајкот на просветните работници.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk