Зачленете се во нашиот клуб на читатели и најновите текстови ќе ги добивате на вашата мејл адреса
Во кумановските ромски населби Средок, Бавчи и Стари Лозја е прогласена епидемија на морбили. Во трите населби се регистрирани двасетина случаи на заболени од кои неколу со компликации се задржани на болничко лекување.
Заболените лица се на возраст од 11 месеци до 26 години од кои 3 лица се од населбата Стари лозја, а останатите од Средорек. 3 лица се хоспитализирани на Инфективното одделение при Општата болница Куманово, поради појава на компликации на воспаление на белите дробови вели епидемиологот- вели д-р Јадранка Стаменковска.
Во населбите веќе три дена се спроведува вакцинација на децата и возрасните по препорака на комисијата за заразни болести при Министерството за здравство. Вакцинацијата се спроведува со тритипна вакцина МРП на сите лица со наполнети 6 месеци и родени по 1970 година во населбите Средорек, Стари лозја, Бавчи и Анѓа Ранковиќ. Вакцинацијата ја вршат десетина тимови при Здравствениот дом Куманово и досега се вакцинирани 934 лица.
Жителите на Средорек признаваат дека епидемијата настанала како последица на тоа што децата и тие не се вакцинирале редовно. И сега се јавува отпор кај одредени семејства да извршат имунизација.
Ние сме осум члена дома имам шест деца и само сопругата ми е вакцинирана. Едно од децата ми е болно и има температура и нема да ги вакцинирам, затоа што тие се големи. Јас мислам дека заболуваат само кога се мали - вели еден од родителите.
Други се со спротивно мислење и сакаат да се вакцинираат за да ги заштитат од епидемијата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk