Зачленете се во нашиот клуб на читатели и најновите текстови ќе ги добивате на вашата мејл адреса
Неколку милиони евра инвестирала ЕВН во реконструкција на застарената мрежа во државата на која повеќе од дваесет години не се интрвенирало.
Во Куманово, последните две години интензивно се работи на подобрување во снабдувањето со електрична енергија.
Се прават квартални анализи каде се појавуваат проблемите во зимскиот период па следните летни месеци мрежата се реконструира. Последните две години се поставени нови дваесетина трафостаници, а зајакнати се и постоечките на оние места каде што било неопходно. Сукцесивно се заменуваа старите дрвени бандери со нови бетонски, направени се два нови изводи со што ќе се зголеми довербата меѓу ЕВН и граѓаните - вели Атанас Ковачевски, портпаролот на ЕВН.
Според Ковачевски, сите тие инвестиции покажуваат дека во 2010 година немало поголеми проблеми. Во наредниот период најавуваат реконструкција и дислокација на неколку трафостаници во градот каде што почесто се јавуваат проблеми, но и замена на дрвените електрични столбови како и ставање на нови кабли со поголем пречник. Од подрачната единица во Куманово известуваат дека според планираното,снабдувањето и наплатата до сега се задоволителни.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk