Зачленете се во нашиот клуб на читатели и најновите текстови ќе ги добивате на вашата мејл адреса
Доколку во наредните две месеци продолжи сушата Куманово на пролет ќе остане без водa. Двете акумулациони езера Липково и Глажња од каде градот се снабдува со вода за пиење се речиси празни.
Во нив има само околу 5 милиони метри кубни вода што е помалку од 20 проценти од вкупните капацитети на двете брани.
Првпат во историјата на постоењето, нивото на водата во браните е на толку ниско ниво. Ако нема поголеми врнежи на дожд и снег, и ако вака продолжат временските услови, Куманово ќе се соочи со голема криза за вода уште напролет. Земјоделските површини ќе бидат исклучени од наводнување, но тешко ќе оди и снабдувањето на градот- Емрла Укшини, раководител на Сектор и одржување во ЈП „Кумановско-липковско поле„.
Тој ги повикува граѓаните рационално да ја трошат водата за да не останат без неа кога најповеќе ја треба. Месечната потрошувачка на вода во зимски услови е околу 650 иљади метри кубни, но како времето се стоплува и потрошувачката расте.
Вообичено за овој период од годината е браните да се полни, а некогаш и се прелеваа, но годинава сушата ги испразни.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk