Зачленете се во нашиот клуб на читатели и најновите текстови ќе ги добивате на вашата мејл адреса
Три лица од Средорек, синоќа ги ограбиле двете цркви во селото Младо Нагоричене.
Жителите ги фатиле крадците и повикале полиција. Додека полицајците да дојдат еден од разбојниците успејал да побегне, а двајца се приведени. Жената која ги чува двете цркви, вели дека ова не е првпат тие да бидат мета на крадците.
Да, честопати ни се случуваат грабежи. Неколку пати се крадени поголема сума на пари, па затоа мора да ги криеме. Не можам да ви кажам колку пати не краде, само да ви покажам колку клучеви има што станаа од кршените врати. Таму во Света Петка има обиено и споредни врати и една помошна просторија - вели Славка Димковска, домар во црквите.
Од двете цркви и помошните простории синоќа е одземен градежни алати и двд плеер,свеќи, буфер со звучници,како и дарови оставани од верниците, со вкупна вредност од околу 40 000 денари. Сите предмети се вратени во црквите а полицијата работи да ги открие и сторителите на претходните грабежи. Верниците апелираат до надлежните, да изнајдат начин за да ги заштитат духовните светилишта од ваков кражби и сквернавење.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk