Зачленете се во нашиот клуб на читатели и најновите текстови ќе ги добивате на вашата мејл адреса
Политичарот и бизнисмен Фериз Дервиши од Куманово е добитник на наградата мисионер на мирот што ја доделува Дипломатската мисија за мир и толеранција.
Највисокото признание на оваа меѓународна организација се доделува на луѓе кои имаат посебни заслуги во зачувување на мирот и развој на демократијата во средината во кои живејат и работат.
„Привилегиран сум што го добив ова признание и што некоја ги препознал и ги вреднувал моите заложби за зачувување на мирот и толеранција во изминатиот период. Ова признание не може да се спореди со ниту едно друго достигнување во мојот живот, ниту со било кое чувство“, - рече во своето обраќање Дервиши, кој се заблагодари за доделената титула.
Градоначалникот Зоран Дамјановски, потсети дека Куманово е членка на Асоцијациата на градови на мирот, а со ова признание само се потврдува фактот дека во општината се негува мултиетничкиот живот и толеранција.
„Наградата не е случајна. Нашиот сограѓанин во изминатите 16 години даде голем придонес во градењето на мултиетничкото општество. Имавме многу предизвици, и многу работи немаше да се завршат како што треба, но благодарение нашата соработка успејавме да ги сочуваме соживотот и продобивките на демократско општество. Израснавме во град на мирот“, - рече Дамјановски.
Дервиши е сопствник на приватната фирма „Југо-фер“ и веќе 4 мандати е советник во Советот на општина Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk